Abraham Kriel Kindersorg (AKK) is 'n geregistreerde GPO (Non-profit organisation) in die Johannesburg-area en Oos-Rand in Gauteng. Ons passie lê in die optimale ontwikkeling van getraumatiseerde kinders wat versorging nodig het. AKK voorsien beide residensiële- en gemeenskapsorg en fokus daarop om skuiling, versorging en rehabilitasie aan kinders tussen die ouderdomme van geboorte tot 18 jaar te voorsien, wat onderwerp was aan trauma, mishandeling, molestasie, armoede en verwaarlosing. AKK bedryf tans 21 huise (insluitende 'n baba-eenheid) vir kinders en bied ses gemeenskapsversorgingsprogramme aan wat kos, skuiling, pastorale, maatskaplike en remediërende versorging aanbied, asook dienste vir vaardigheidsontwikkeling en vroeë kinderontwikkeling.

Abraham Kindersorg sien om en sorg vir kinders in nood. Ons programme beoog om kwesbare kinders te beskerm op verskillende terreine en op verskeie maniere.

Ons aktiwiteite sluit in:

• Sorg in normale huisopset vir mishandelde, gemolesteerde,  verwerpte en verwaarloosde kinders. Hierdie is die hoofdoel van ons instansie.
• Bied ondersteuning aan kinders wie se lewe verwoes is deur vigs. Ons instansie groei vinnig op die gebied.
• Vroeë kinderontwikkeling en uitreikprogramme na agtergeblewene gemeenskappe met die doel om die verbrokkeling van gesinne te voorkom.

In al ons benaderings is ons verbind tot langtermyn, omvattende sorg wat al die kinders besonder aanraak en versterk sodat hulle die geleentheid het om produktiewe en vervullende lewens te hê.

Die hoofbesigheid van die maatskappy is om kinderhuise te bedryf
Raad van Direkteure
Verantwoordelikheid van die raad van direkteure

Verantwoordelikhede van die Raad van Direkteure
King III
Volhoubaarheid