Loteryfonds (NLDTF)

Die laaste toegawe wat Abraham Kriel Kindersorg van die die Loteryfonds ontvang het was R7.66m in Junie 2010. NLDTF het noemenswaardige befond-sing voorsien vir 'n wye reeks van ver-rykende, lopende uitgawes, van huishoudelike versorging tot gemeenskapsdienste. Dit het munisipale diensgelde, kos en vervoer ingesluit. Die NLDTF het verder ook die installasie van Solar-geisers by 50% van ons gebruikerspunte geborg, wat 'n positiewe gevolg vir die volhoubaarheid van AKK gehad het. Hulle het ook die aankoop van nuwe busse geborg en AKK gaan nog vir baie jare kinders vervoer. Abraham Kriel Kindersorg wag tans vir reaksie van die Loteryfonds aangaande 'n aansoek wat in Februarie 2011 voorgelê was.

Siemens het 'n vennootskapsooreenkoms met Abraham Kriel Kindersorg onderteken om die Youthspace-program te borg. Hulle is verantwoordelik vir al die noodsaaklike uitgawes vir hierdie satelliethuis in Fordsburg, waar daar vir agt kinders gesorg word.

Steinhoff SA

Steinhoff is 'n vennoot vir die tuisversorgings-program vir 200 kinders in Soweto. Hulle dek die noodsaaklike kostes van die program, nadat staatsubsidies in ag geneem is.