Die Saterdagoggend voor sonop het die Makietie begin. Die verjaarsdagkoek van 10,9m moes versier word, die kosstalletjies moes opgerig word, vure moes aan die gang kom en eindelose take moes afgehandel word. Die atmosfeer was elektries. Toe die kinders begin aankom kon mens die opgewondenheid en verwagting op hulle gesigte sien. Die dag was vol belofte vir pret en verrassings vir almal.

Teen 10:00 het die kinders van al die verskillende programme met baniere begin stap. Hierdie kleurvolle baniere was met groot toewyding geverf. Oorlogskrete het weerklink terwyl die kinders gestap het en die dag se feestelikheid begin het.

Kliek op die beeld om daarna te kyk
Kliek op die gefokuste beeld om uit te zoem.
Oriënteer die beelde deur op die spasie tussenin te trek.
Die sleutelbordpyltjies kan gebruik word om deur die beelde te navigeer.

• Johan van Aswegen en sy groep wat die boerewors, hamburgers en sosasties voorsien en gebraai het.
• Barbie Davids en haar groep vir die vetkoek en maalvleis.
• Oom Japie en sy span vir die bak van 2 000 pannekoeke.
• Die Harley Davidson Groep van die Clearwater-tak vir hulle veelvuldige hulp en ook vir die voorsiening en die braaiwerk van hoenderburgers en worsbroodjies.
• Lions Northcliff vir worsbroodjies.
• Shoprite Checkers vir die verjaarsdagkoek.
• ABI vir die skenking van koeldranke.
• Kupel Water vir die donasie van water.
• Eddie en Annelise Fourie vir hulle donasie wat die voorbereiding van die kerrie en rys moontlik gemaak het.
• Die Nederduitse Gereformeerde Kerk se groep Seniordames van die Gauteng-streek vir die voorsiening van lekkergoed vir die kinders en die NG Kerk Alberton-Wes gemeente vir die sap.
• Judi Muller en haar span vir die harde werk by die Wit Olifant-tafel.
• Lynette Landman vir die roomysdonasie.
• Anni Jackson van HSC vir die kelners van HSC.
• Koljander vir die koeke vir die teetuin.
• Al die dames en manne wat vir ure lank gesiggies help verf het.
• Die span wat by die Tombola-tafel gewerk het, waar rye kinders gestaan het om 'n speeding te ontvang.

En laastens, maar nie die minste nie, al die vrywilligers wat hulle tyd en energie aangebied het om op die dag te help.

Daar was genoeg om almal te trakteer en waar mens ookal geloop het, was kinders besig om te eet en hulleself te geniet, want dit was immers hulle dag. Teen 14:00 was dit opruimtyd, die dag was verby, maar die kinders was gelukkig met vuil gesigte, vol magies en moeg, maar tevrede.

2011 se Makietie is verby en ons sien uit na hierdie jaar se 110de verjaarsdagfees!